Zomi Leitungbup Kipalwna leh Mailam Hanciam na ding

Zomi Khempeuh Kipawl khop na ding leh kipawl theih na ding cihte pen ih gen gen ciang aki pawl thei nailo tawh kibang hang
aci pawl khat om kha ding hi.

Ih ki pawl theihna leh kipawl khopna in ciangtan a neilo cih theih a, ki itlua, ki thutuaklua leng a siat luatna tawm zaw hamtang hi.

Mun tuamtuam leh gam tuamtuam ah a om Zomi te khempueh i kipawlna ciaptehna dialkhai leh logo pen kibang thei leh hih sang in
ih kipawlnate hong picing zaw ding leh mipi, midangte, gamdang kipawlna dangte in hong pi ngaihsut zaw deuh diam ci ingh.

Gtn. Zomi Innkuan Kipawlna khempeuh in logo kibang nei khin ding hi, a dam dung zui in a gam min bek kilaih lel ding in a Vaphual (vaphual ih zat ding leh) a dang logo lai gelh teng kibang leh cih a vei leh a lunglutte ih kikup ding hoih sa ingh.

Min khat, makaihna khat leh thu khat nuai ah kipat pak ding a baih paklo thu ahih leh zong hih thupen a baih lam veve (ih sawm nak leh) leh
sum tampi, hun tampi bei kullo in ih kipawlnate hong picing na ding kal/ kal suanna khat hih ci ingh ngahsun ingh.

Tua ciang Zomi Kipawlna khem peuh kigawm i logo ih neih ban ah, by-laws/ policy zong taang neih khop leng.
A mun leh gam dung zui in tawm cik bel akikhel om thei ding a, tualo thu guipi zang khawm leng.

NPO/ NGO khat in ding in, US te 501 (c) 3 (tax exempt) nuai bang ah om thei ding hi leng in a diakdiak gampina a Zomi makaite leh Zomi veite in hong hanciam le uh ih ip sung pan sum tampi ih neih dong, khasum tampi ih ngah dong ngak kullo in Zomi leh Zogam a ding in ih khantohna ding thu leh la, van, na tampi tak kisem thei ding hi.

-Hoih kisa kim ciat ding napi, sep kisawm masa lo ahih man in hi ci bang tawh pai suak toto lel ding ihiam?
-Theih bek tawh bei sak zeel in, bang mah lo tawh mit kik zeel ding hiam?

Zomi leh Zogam in nang hong kisam hi!
Zomi a ding in na hanciamna, na sepna leh na veinate in ih mualsuang hi pahpah hi.

-Sum ka neih zawk deuh ciang cici lai ding maw?
-Khasum hoih zawk deuh ciang cici lai ding maw?
-Ka tate sang a man ciang cici lai ding maw?
-Ka innleina ka loh kik zawh ciang ci ci lai ding maw?
-Ka mawtaw leina te ka loh kik zawh ciang cici lai ding maw?
-Ka credit card bill teng piak khit ciang cici lai ding maw?
-Pension ka lak khit ciang ci ci lai ding maw…

Nuvaw, a si ding peetmah lah kahi ta a leh, Zomi leh Zogam a ding in ka pilna leh ka siamna te zang man nawnlo a,
hun hoih ding ka ngak ngak leh lupna tung ah ka hun nunung kisiikna tawh a bei peetmah takpi hi ta maw…
icih ding hun ngak lai ding ihiam!

Zomi leh Zogam a ding in,

Ih sep theih tampi om hi.
Ih neih bang bang leh ih theih bang bang tawh ih sep theih tampi om hi.

Pasian’ in Moses’ khutsung a om nailo na khat tawh a minam a ding in na semsaklo a, a omsa, a khut sung a om thu leh late
tawh na sem pah, na sem sak pah hi.

Bang tan vei ngak lai ding na hiam Zomi aw???

Gam leh nam a ding lainatna tawh,

Tg. Sianpu

Phualva Lenna Lozau Pan

Leave a Reply

Your email address will not be published. Required fields are marked *