Zolai tan 4 tektek?

A nuai a tegel zaknop in ngaihsut huai leh thupil hi sa ingh.

Tua ban ah ka behlap nop khat ah:
Tan 4 tektek cih zong zak ding hamsa ta hi… thuhun ciang kacihna hi.
Tan 4 genloh tan 2 zong a sin kim ding khang thak Zomi te ki tawm mahmah ta hi.
Tua ahih man in Zomi te in i Zolai bang cih leng lamsang thei ding a, bang cih leng tan 4 ciang bek sin thei kim ding ihiam cih zong ngaihsut beh ding in hoih kasa veve hi.

A taan, 4, aki bang tek tek icih zong phadawm lai in lungdam huai lai hi.
Tanli gen loh Zolai pen Manglai pan a leh sin kik ki tam zaw ta ding a (a sawtlo in), nikhat ni ciang Manglai pan leh Mikangte in Zolai hong leh sin kik ding hi lai uh hi.

Ih khangthak Zomite in i lai leh pau hong theih ding thupi mahmah sa ingh.
Zolai a kah ngiat lo, akgah vetlo ki tam mahmah bek thamlo in, a kah a om theih nawnloh ding dahhuai kasa mahmah hi.

Hanciam ciat ni. No na bang ci muh uh hiam?

Leave a Reply

Your email address will not be published. Required fields are marked *